میگھن مارکل اور پرنس ہیری کی برطانوی شاہی خاندان سے ان بن جاری ہے ، اور شاہی جوڑا سمیت پورا خاندان ابھی میڈیا کی خبروں کی زینت بنا ہوا ہے ، اور دیگر شعبہ ہائے زندگی سے تعلق رکھنے والے افراد بھی اس حوالے سے اپنی آراء کا اظہار کررہے ہیں ۔

ایسے میں وزیراعظم عمران خان کی سابقہ اہلیہ جمائمہ اسمتھ نے بھی اپنی زبان کھولی ہے ۔

انہوں نے اس حوالے سے اپنی آراء کا اظہار کرتے ہوئے شکوہ کیا ہے کہ وہ واقف ہیں کہ کسی شخص پر کیا گزرتی ہے اگر وہ کسی دوسرے ملک کے قومی ہیرو سے شادی کرتی ہے اور میڈیا میں اس پر کس طرح کے حملے نسل کی بنیاد پر کیے جاتے ہیں ۔

ٹوئیٹ میں انہوں نے مزید کہا کہ وہ اس بات سے قطعی متفق نہیں ہیں کہ کس طرح سے میگھن مارکل اور پرنس ہیری نے معاملات کو ڈیل کیا ہے تاہم وہ اس بات سے واقف ہیں کہ شہزادی ڈیانا کو کس طرح کی اذیت سے گزرنا پڑا تھا۔

جمائما انیس سو پچانوے میں موجودہ وزیراعظم عمران خان کے ساتھ رشتہ ازدواج میں منسلک ہوئی تھیں اور ان کے دو بچے سلیمان اور قاسم ہیں تاہم  اس جوڑے نے دوہزارچار میں ایک دوسرے سے راہیں جدا کرلیں تھیں۔

I don’t necessarily agree with the way Meghan & Harry have handled things but I know what Princess Diana went thro’ & what it’s like to marry a national hero from another country & be attacked by the media for yr ethnicity (too Jewish, in my case).

— Jemima Goldsmith (@Jemima_Khan) January 15, 2020