پاکستان کی معروف اداکارہ عائزہ خان 15 جنوری 1991 کو پیدا ہوئیں اور اب انہوں نے زندگی کی 29 بہاریں دیکھ لی ہیں، اپنی سالگرہ کے موقع پر انہوں نے شوہر دانش تیمور کے ساتھ خوبصورت تصاویر بھی شیئر کیں۔

ان دنوں ڈرامہ سیریل 'میرے پاس تم ہو' کی وجہ سے عائزہ خان کا نام زد زبان عام ہے اور اسی ڈرامے کی بدولت اگر اس سال کو ان کے کیریئر کا کامیاب ترین سال کہا جائے تو غلط نہ ہوگا۔

گزشتہ شب 12 بجتے ہی انہوں نے فیملی کے ساتھ سالگرہ مناتے ہوئے خوبصورت تصاویر شیئر کیں جنہیں سوشل میڈیا صارفین کی جانب سے خوب پسند کیا جارہا ہے۔

عائزہ نے شوہر دانش کے ساتھ کیک کاٹتے ہوئے بھی تصویر شیئر کی، ذیل میں تصاویر ملاحظہ کریں۔