مشیرتجارت عبدالرزاق داؤد نےکہا ہے کہ یورپی یونین کی جانب سے دی گئی جی ایس پی پلس کے تحت تجارتی رعایت کی مدت مارچ میں ختم ہورہی ہے ۔ آئندہ ہفتے اس میں توسیع کرانے کیلئے یورپ کا دورہ کرونگا۔

 اسلام آباد میں پاک چین آزاد تجارتی معاہدہ دوم کے حوالے سے سیمینارسے خطاب کرتے ہوئے عبدالرزاق داؤد نے کہا کہ یورپی یونین نے پاکستان میں بچوں سے مشقت، انسانی حقوق سمیت ستائیس میں سے پانچ شرائط پر تشویش کا اظہار کیا تھا۔ پاکستان نے ان شرائط پر تحفظات دور کرنے کی کوشش کی ہے۔

  مشیرتجارت نے کہا کہ پاک چین آزاد تجارتی معاہدے میں پاکستان کے مفادات کو تحفظ دینے کی کوشش کی گئی ہے، تاہم سیمنٹ اورٹریکٹرکی چین برآمد کے معاملات طے کرتے وقت اس معاہدے میں بھی خامیاں رہ گئی ہیں ۔

 عبدالرزاق داؤد نے کہا کہ روپے کی قدرمیں کمی سے برآمدی شعبے کوعالمی مارکیٹ میں مقابلے کی فضا دینے کی کوشش کی گئی ہے ۔