وزیر اطلاعات خیبرپختونخوا شوکت یوسفزئی نے کہا ہے کہ آٹے سے متعلق میرے بیان کو مذاق بنایاگیا لیکن ڈاکٹرز بھی کہتے ہیں کہ لال آٹا صحت کیلئے اچھا ہے۔

 شوکت یوسفزئی نے کہا ہے کہ مارکیٹ میں تین قسم کا آٹا دستیاب ہے،لال آٹا سستا ہے اور صحت کے لیے بھی مفید ہے،ڈاکٹرز بھی کہتے ہیں لیکن میری بات کا مذاق بنایا گیا۔

سرکاری محکموں کی ایک سالہ کارکردگی کے بارے میں بتاتے ہوئے وزیر اطلاعات کہتے ہیں کہ ای آفس کے ذریعے محکموں کو پیپر لیس کر رہے ہیں،جے ڈیز اور کے پی آیز کو مرتب کیا جسکے ذریعے سرکاری ملازمین کی کارکردگی جانچا جائے گا  جبکہ اقلیتی کوٹہ تین سے بڑھا کر پانچ فی صد کر دیا گیا۔

شوکت یوسف زئی کا مزید کہنا تھا کہ لوکل آٹے کی ڈیمانڈ بھی نہیں بڑھی تو پھر مارکیٹ میں مصنوعی قلت کیوں بنائی گئی۔آج ذمہ داروں کے ساتھ میٹنگ ہے، جسکے بعد ذخیرہ اندوزوں کے خلاف کمیٹیاں بناکر کاروائی کریں گے۔