پاک فضائیہ کے سربراہ ائیر چیف مارشل مجاہد انور خان نے برمنگھم میں کھیلے جانے والی برٹش جونئیر اوپن اسکواش چیمپئن شپ میں شریک جونیئر اسکواش ٹیم سے ملاقات کی اور حمزہ خان کو 5 لاکھ روپے انعام سے نوازا۔

ائیر چیف جو کہ پاکستان اسکواش فیڈریشن کے صدر بھی ہیں نے اس چیمپئن شپ میں شاندار کارکردگی دکھانے پر کھلاڑیوں کی تعریف کی اور ان کو انعامات سے نوازا۔

کھلاڑیوں سے گفتگو کرتے ہوئے ائیر چیف نے کہا کہ قوم کو نوجوان اسکواش پلئیر حمزہ خان پر فخر ہے جنہوں نے 8 سال بعد ملک کو یہ اعزاز دلایا۔

انہوں نے نوجوان کھلاڑیوں کو بین الاقوامی معیار کی تربیت اور سہولیات فراہم کرنے پر کوچز کی سخت محنت کو سراہا۔

انہوں نے پاکستان اسکواش فیڈریشن کی اس کھیل میں اپنا کھویا ہوا مقام حاصل کرنے کے لئے کی جانے والی کاوشوں کی بھی تعریف کی۔