حکومت اور اتحادی جماعتوں کی پارلیمانی پارٹی کے اجلاس میں ارکان  نے ایک بار پھر ترقیاتی فنڈز کا مطالبہ کردیا۔

وفاقی وزیر فواد چودھری نے مخالفت کی توارکان نے توپوں کا رخ انکے جانب کردیا ، وزیراعظم نے ارکان کی احساس پروگرام سے امیدیں باندھ دیں۔

 وزیراعظم عمران خان کی زیرصدارت پارلیمانی پارٹی اجلاس میں ارکان نے ایک بارپھرترقیاتی فنڈزنہ ملنے کا شکوہ کردیا۔

وفاقی وزیرفواد چوہدری نے اراکین کی مخالفت کی تو اراکین نے فواد چوہدری کو آڑے ہاتھوں لیا ، اراکین کا کہنا تھاکہ فواد چوہدری نے خود توکینال منصوبہ منظور کروا لی ہم ووٹرزکو کیا منہ دکھائیں ۔

اجلاس میں شدت آنے پر وزیراعظم کو مداخلت کرنی پڑی اور کہاکہ احساس پروگرام شروع ہونے سے آپ لوگوں کے تحفظات دورہوجائیں گے وزیراعظم نے کہاکہ یوٹیلٹی اسٹورزپرسستی چیزوں کی فراہمی سے غریب آدمی کو فائدہ ملے گا۔