ننکانہ صاحب میں نفرت انگیز تقریر کرنے اور مذہبی منافرت پھیلانے کے الزام میں پولیس نے مرکزی ملزم عمران کو گرفتار کرلیا۔

ملزم پر لوگوں کو مذہبی منافرت پر اکسانے سمیت مختلف دفعات کے تحت مقدمہ درج ہے، ملزم عمران کا چار روز قبل  ہوٹل پر جھگڑا ہوا تھا جس کے بعد ملزم نے اقلیتی برادری کی عبادت گاہ کے باہر احتجاج کیا اور نفرت انگیز تقریر کی تھی۔

وزیراعظم عمران خان نے  اس واقعہ کا نوٹس لیتے ہوئے ملوث افراد کیخلاف فوری کارروائی کا حکم دیاتھا، پولیس دیگر ملزمان کی گرفتاری کے لیے چھاپے مار رہی ہے۔