سول کورٹ لاہور نے گلوکار ابرار الحق کے نئے گانے چمکیلی کیخلاف کیس میں پیمرا سمیت دیگر فریقین سے 24 جنوری تک جواب طلب کرلیا۔

سول کورٹ لاہور کے جج ضیاء الرحمان نے رانا عدنان ایڈووکیٹ کی درخواست پر سماعت کی۔ درخواستگزار نے موقف اختیار کیا کہ گلوکار ابرار الحق نے اپنے نئے گانے " چمکیلی " میں مردوں اور عورتوں کی تضحیک کی ہے جو کہ نامناسب ہے۔ عدالت گلوکار ابرار الحق کے گانے پر پابندی لگانے کاحکم دے۔ عدالت نے ابرار الحق اور پیمرا سمیت دیگر فریقین سے جواب طلب کرتے ہوئے کیس کی سماعت 24 جنوری تک ملتوی کر دی۔