لاہور: ٹیسٹ کرکٹر بلاول بھٹی بھی آج شادی کے بندھن میں بندھ جائیں گے۔

ٹیسٹ کرکٹر بلاول بھٹی آج رات سہرہ سجا کر لاہور کے نجی ہال میں دلہنیا لینے کیلئے پہنچیں گے۔

گزشتہ شب ہونے والی مہندی کی تقریب میں عزیز واقارب کے ساتھ فاسٹ بولر حسن علی اور احسان عادل نے بھی ان یادگار لمحات میں شرکت کی۔

دعوت ولیمہ اتوار کو لاہور میں ہی رکھی گئی ہے جس میں  قومی کرکٹرز کی زیادہ تعداد کو بھی مدعوکیا گیا ہے۔

بلاول بھٹی 2 ٹیسٹ، 10 ون ڈے اور 9 ٹی ٹوئنٹی میچوں میں پاکستان کی نمائندگی کرچکے ہیں، تاہم وہ مئی 2015 کے بعد سے ٹیم کا حصہ نہیں بن سکے۔