امریکا نے بغداد ایئرپورٹ پر راکٹ حملہ کرکے ایرانی پاسدارانِ انقلاب کی القدس فورس کے سربراہ جنرل قاسم سلیمانی کو شہید کردیا۔

 جنرل قاسم سلیمانی آیت اللہ علی خامنہ ای کے بعد ایران کی دوسری طاقتور ترین شخصیت تھے۔

ایرانی پاسدارانِ انقلاب کی قدس فورس کے سربراہ عراق میں فضائی حملے میں شہید ہوگئے، امریکی ڈرون نے جنرل قاسم کی کار پر رات 1 بجے اسوقت 4میزائل داغے جب وہ اپنی کار میں سوار بغداد  ائیرپورٹ سے نکل رہے تھے۔

حملے میں جنرل قاسم سلیمانی،پاپولرموبلائزیشن فورس کے ڈپٹی کمانڈرابومہدی المہندس اوردیگر چھ افراد بھی جاں بحق ہوئے۔

جنرل سلیمانی کا ایرانی حکومت میں ایک کلیدی کردار تھا۔ ان کی قدس فورس صرف آیت اللہ علی خامنہ ای کو جوابدہ ہے۔

جنرل سلیمانی نے قدس فورس کی کارروائیوں کو عراق، لبنان اور شام تک وسعت دی، یہ القدس فورس کے ہی اہلکار تھا جو شامی صدر بشار الاسد کے خلاف طویل جنگ میں  ان کی حمایت کے لیے تعینات رہے۔

ایران میں رہبرِ اعلیٰ آیت اللہ علی خامنہ ای کے بعد اگر کسی شخصیت کو طاقتور سمجھا جاتا تھا تو وہ جنرل قاسم سلیمانی ہی تھے۔