لاہور سمیت پنجاب کے مختلف شہروں میں گیس کا بحران جاری ہے۔ سردی میں شدت کے باعث لو پریشر کی شکایات میں اضافہ ہوگیا ہے۔گھریلوصارفین کو سخت مشکلات کاسامنا ہے۔

سوئی ناردرن حکام نے گیس کی رسد میں بہتری کی نوید تو سنائی مگر اسکے ثمرات شہریوں تک تاحال نہ پہنچ پائے۔

لاہور میں گیس کے لو پریشر کی شکایات بڑھ گئی ہیں، بعض علاقوں میں تو کئی دنوں سے گیس آ ہی نہیں رہی جسکی وجہ سے شہری اذیت میں مبتلا ہیں۔

پنجاب کے چھوٹے شہروں میں تو صورت حال اور بھی زیادہ خراب ہے۔ سوئی ناردرن حکام کا دعوی ہے کہ سسٹم میں این ایل جی کا اضافہ کیا گیا جسکی وجہ سے  جنرل انڈسٹری کو گیس کی سپلائی بحال کردی گئ ہے، موسم بہتر ہونے سے ہی صورت حال میں بہتری آئے گی۔