وفاقی حکومت نے 8 لاکھ سے زائد غیر مستحق افراد کو بے نظیر انکم سپورٹ پروگرام سے نکال دیا۔ ڈاکٹر ثانیہ نشتر کہتی ہیں حکومت بے نظیر انکم سپورٹ پروگرام کا نام تبدیل نہیں کررہی۔

وزیراعظم کی معاون خصوصی برائے سماجی تحفظ وغرنت مٹاو پروگرام ڈاکٹرثانیہ نشترنے پریس کانفرنس کی جس میں انہوں نے کہاکہ 8 لاکھ سے زائد غیر مستحق افراد 2011 سے معاوضہ لے رہے تھے۔

ان کاکہنا تھا کہ بوگس رجسٹریشن کے خاتمے سے 16 ارب کی بچت ہوگی، نکالے گئے لوگوں کی جگہ حقدار لوگ شامل کریں گے۔

معاون خصوصی کا کہنا تھا کہ نادرا کی مدد سے ملک کے تمام اضلاع میں رجسٹریشن ڈیسک قائم کرکے لوگوں کوشامل کریںگے، بے نظیرانکم سپورٹ پروگرام کیلئے ڈیجیٹل پیمنٹ سسٹم لارہے ہیں، شفافیت کیلئے بائیومیٹرک اے ٹی ایمز لارہے ہیں۔

 ثانیہ نشترنے اعلان کیا کہ حکومت بے نظیرانکم سپورٹ پروگرام کا نام تبدیل نہیں کررہی ، تاہم کفالت پروگرام کے تحت لائن آف کنٹرول پرشناختی کارڈز رکھنے والی خواتین کی مدد کی جائیگی۔