اسلام آباد: سعودی وزیرخارجہ فیصل بن فرحان السعود جمعرات کو اسلام آباد آئیں گے۔ دورے کے دوران وہ اپنے پاکستانی ہم منصب شاہ محمود قریشی اور وزیراعظم عمران خان سے ملاقاتیں کریں گے۔

سفارتی ذرائع کے مطابق سعودی وزیرخارجہ کا دورہ ایک روزہ ہوگا۔ ذرائع کا کہنا ہے کہ سعودی وزیر خارجہ کا دورہ باہمی نوعیت کا اور انتہائی اہم ہوگا۔

پاکستان کی جانب سے کوالا لمپور سمٹ میں شرکت نہ کرنے اور سعودی دباؤ کی خبروں سے متعلق سعودی وزیر خارجہ کا دورہ انتہائی اہمیت کا حامل ہوگیا ہے۔