کراچی: قومی ٹیسٹ ٹیم کے کپتان اظہر علی کا کہنا ہے کہ سری لنکا کے کامیاب دورے کے بعد بنگلادیش کا ٹیسٹ سیریز کیلئے پاکستان نہ آنا سمجھ سے باہر ہے، آئی سی سی کو اس پر ایکشن لینا چاہیئے۔

سری لنکا کیخلاف سیریز میں فتح کے بعد کپتان اظہر علی نے پریس کانفرنس میں کہا کہ اگر کرکٹ بورڈز ہی ایک دوسرے کی مدد نہیں کریں گے تو کرکٹ کا کیا ہوگا۔

انہوں نے مزید کہا کہ بنگلادیش کے پاس اب پاکستان آنے سے انکار کی کوئی وجہ نہیں ہے، آئی سی سی اس معاملے کو دیکھے۔

ٹیسٹ ٹیم کے کپتان کا کہنا تھا کہ کراچی ٹیسٹ میں کم بیک کرنے کا کریڈٹ اوپنرز کو جاتا ہے۔

اظہرعلی نے مزید کہا کہ ایک سیریز جیتنے سے سب کچھ حاصل نہیں کرلیا، اب بھی محنت کی ضرورت ہے۔

انہوں نے کہا کہ پاکستان کو زیادہ ٹیسٹ میچز ملنے چاہئیں، کراچی ٹیسٹ میں پرفارم کرنے پر خوش ہوں۔