گورنر اسٹیٹ بینک ڈاکٹر رضا باقر کا کہنا ہے کہ بانی پاکستان کی طرح ہر پاکستانی کو درپیش چیلنجز کا مستقل مزاجی سے سامنا کرنا پڑے گا۔

اسٹیٹ بینک میں بانی پاکستان قائد اعظم کو بھرپور خراج عقیدت یوم پیدائش کی مناسبت سے تصاویر کی نمائش کی تقریب سے گورنر اسٹیٹ بینک ڈاکٹر رضا باقر نے کہا کہ  جس طرح قائد نے مستقل مزاجی سے ملک حاصل کیا  اسی طرح ہر پاکستانی کو درپیش چیلنجز کا مستقل مزاجی سے سامنا کرنا پڑے گا۔

تقریب سے خطاب میں اسٹیٹ بینک میوزیم کی ڈائریکٹر ڈاکٹر عاصمہ نے کہا کہ  یہاں قائداعظم کی سو سے زائد تصاویر پیش کی گئی ہیں جن میں جدوجہد کا پیغام نمایاں ہے۔

اسٹیٹ بینک کے میوزیم میں بانی پاکستان کی تصاویر کی نمائش ایک ماہ تک جاری رہے گی۔