خیبرپختونخوا میں پولیو وائرس پھیلنے کی سب سے بڑی وجہ سامنے آگئی ۔ دس لاکھ اسی ہزار سے زائد بچوں کو پولیو کے قطرے نہیں پلائے جاسکے۔

محکمہ صحت کی دستاویز کے مطابق رواں سال گیارہ لاکھ کے قریب والدین نے بچوں کو پولیو قطرے پلانے سے انکار کیا۔

محکمہ صحت کی دستاویز کے مطابق خیبرپختونخوا میں پولیو کیسز میں اضافے کی بڑی وجہ انکاری والدین ہیں ،اس سال ویکسین سے انکار کے صوبے میں دس لاکھ اسی ہزار ستاسی کیسز رپورٹ ہوئے ۔

ای او سی کے کوارڈینیٹر عبدالباسط کے مطابق اپریل میں انسداد پولیو مہم کے خلاف پروپیگنڈے نے مہم کو شدید  نقصان پہنچایا اور اس کے بعد ہی نکاری والدین کی تعداد میں تیزی سے اضافہ ہوا۔

ایمرجنسی آپریشن سنٹر خیبرپختونخوا کے مطابق رواں سال صوبے میں اناسی پولیو کیسز رپورٹ ہوئے ہیں جبکہ مزید کیسز بھی سامنے آنے کا خدشہ ہے۔