امریکی گلوکار جینیفر گروٹ کی تلاوتِ کلام پاک کرتے ہوئے ویڈیو سوشل میڈیا پر وائرل ہوگئی اور اسے صارفین کی جانب سے بے حد پسند کیا جارہا ہے۔

گلوکارہ نے گزشتہ روز فیس بک پر ایک ویڈیو شیئر کی ہے جس میں انہیں انتہائی خوبصورت انداز میں قرآن پاک کی سورہ البقرہ کی تلاوت کرتے ہوئے دیکھا جاسکتا ہے۔

انہوں نے مصر سے تعلق رکھنے والے معروف قاری محمد صدیق ال منشاوی کے انداز میں سورہ البقرہ کی آیات 285 اور 286 کی تلاوت کی جسے سن کر سوشل میڈیا صارفین پر سحر طاری ہوگیا اور اس ویڈیو کو خوب پسند کیا جارہا ہے۔

جینیفر نے ویڈیو شیئر کرتے ہوئے تمام مسلمانوں کو جمعے کی مبارکباد بھی پیش کی۔ گلوکارہ نے اس ویڈیو کو ٹوئٹر پر بھی شیئر کیا تھا اور وہاں بھی اسے خوب پسند کیا جارہا ہے۔

Jumu’a Mubarak Fam!! Here’s a recitation if Verses 285-286 from Sura #Baqarah in the style of the great #Egyptian reciter Mohammed Siddiq Al #Menshawi. Please watch the full video here: https://t.co/PKq8esCYKn #jennifergrout #femalereciters #quran #muslimah pic.twitter.com/oGT20GkLAc

— Jennifer Grout (@JenniferGrout3) December 20, 2019

اس سے قبل بھی جینیفر نے ایک ویڈیو شیئر کی تھی جس میں انہیں اپنی خوبصورت آواز میں آیت الکرسی کی تلاوت کرتے ہوئے دیکھا گیا تھا۔

گلوکارہ کی یہ ویڈیو منظرعام پر آئی تو سوشل میڈیا صارفین حیرت میں مبتلا ہوگئے تھے جس پر جینیفر نے ایک ٹویٹ کے ذریعے بتایا تھا کہ وہ سال 2013 میں مسلمان ہوچکی ہیں۔

For everyone who’s been wondering after seeing my recitation of Ayat-u-l kursi, yes I am Muslim; I converted in Morocco in 2013. #jennifergrout #islam #muslimah #americansinger #revert #recitation #morocco #quran

— Jennifer Grout (@JenniferGrout3) December 17, 2019