سنگین غداری کیس میں سزائے موت پانے والے پاکستان کے سابق صدر جنرل پرویز مشرف کو بھارتی شہریت دینے کی پیشکش کردی گئی۔

بھارت کی حکمراں جماعت بی جے پی کے رہنما، راجیہ سبھا کے رکن اور سابق وزیر سبرامنیم سوامی نے ایک ٹویٹ کے ذریعے پرویز مشرف کو بھارتی شہریت دینے کی پیشکش کی ہے۔

سبرامنیم سوامی نے نئے متنازع شہریت بل کے تحت پاکستان کے سابق صدر کو ترجیحی بنیادوں پر یہ آفر دیتے ہوئے اپنی ٹویٹ میں لکھا کہ مشرف کا تعلق دریا گنج سے ہے اور اس وقت انہیں پاکستان میں ظلم کا سامنا ہے۔

We can give Musharraf fast track citizenship since he is from Daryaganj and suffering persecution. All self—acknowledged descendants of Hindus are qualified in a new CAA to come

— Subramanian Swamy (@Swamy39) December 19, 2019

انہوں نے ٹویٹ میں مزید لکھا کہ وہ افراد جو خود کو ہندؤوں کی نسل تسلیم کرتے ہیں وہ بھارتی شہریت حاصل کرسکتے ہیں۔

واضح رہے کہ اس نئے متنازع شہریت بل کی منظوری پر بھارت کی مختلف ریاستوں میں شدید احتجاج کا سلسلہ جاری ہے۔