امریکی کانگریس میں صدر ڈونلڈ ٹرمپ کے مواخذے کی قرارداد منظور کرلی گئی ہے، قرارداد میں امریکی صدر ڈونلڈ ٹرمپ پر اختیارات کے تجاوز کا الزام عائد کیا ہے ۔

امریکی صدر ڈونلڈ ٹرمپ پر الزام ہے کہ انہوں نے ذاتی مفادات کیلئے یوکرین میں حکام پر دباو ڈالنے کی کوشش کی ہے اور کانگریس کی تفتیش میں رکاوٹ ڈالی ہے۔

قرارداد کی منظوری کے  بعد ٹرمپ امریکا کی تاریخ میں تیسرے صدر ہونگے جن کو مواخذے کا سامنا کرنا پڑے گا۔

ٹرمپ کی برطرفی کیلئے امریکی ایوان بالا سے دو تہائی اکثریت درکار ہے تاہم ڈیموکریٹس کو مقررہ اکثریت سینیٹ میں حاصل نہیں ہے۔