امیر جماعت اسلامی سراج الحق کا کہنا ہے حکومت کشمیر کے معاملے میں پراسرار خاموشی اختیار کیے ہوئے ہے۔ بائیس دسمبر کو پاکستان کے باشعور پاکستانیوں کو ڈی چوک میں بلایا ہے۔ حکمرانوں کے ضمیر کو جھنجھوڑیں گے۔

راولپنڈی میں تقریب سے خطاب میں کرتے ہوئے سراج الحق نے کہا ڈی چوک میں لاکھوں پاکستانی کشمیریوں سے اظہار یکجہتی کے لئے اکٹھے ہوں گے۔ مسئلہ کشمیر حل کیے بغیر خطے میں امن کا قیام ممکن نہیں ہے۔

انہوں نے پاکستان کے ہر ادارے میں کرپشن کا دعویٰ کرتے ہوئے کہاکہ ہم نے ایک ایک لمحے کو قوم کے نام کیا ہے۔ ہمارا کوئی ذاتی ایجنڈا نہیں۔