مقبوضہ کشمیر کی صورتحال پر اقوام متحدہ کی سلامتی کونسل کا اجلاس آج ہورہا ہے ، یہ اجلاس چین کی درخواست پر طلب کیا گیا ہے ۔

اجلاس میں مقبوضہ کشمیر کی صورتحال پر تبادلہ خیال کیا جائے گا ، پہلے بھی چین ہی کی درخواست پر سلامتی کونسل کا اجلاس طلب کیا گیا تھا۔

دوسری جانب مقبوضہ کشمیر میں بھارتی لاک ڈاون کو ایک سو پینتیس دن سے زائد ہوگئے ہیں اور انٹرنیٹ ، فون سمیت دیگر مواصلاتی ذرائع بند ہونے کی وجہ سے کشمیر می نظام زندگی معطل ہے۔ جبکہ کشمیری رہنماوں کو بھی نظر بند رکھا گیا ہے۔

ادھر حریت رہنما میرواعظ عمر فاروق کی جانب سے کشمیری رہنماوں، کارکنان اور زیر حراست شہریوں کی فوری رہائی کا مطالبہ کیا ہے ، ان کا کہنا ہے کہ بھارتی اقدامات سے کشمیریوں کے حوصلے پست نہیں ہوسکتے۔