بھارتی دارالحکومت نئی دہلی کی جامیہ ملیہ اسلامیہ کے طلبہ پر پولیس کے وحشیانہ تشدد  کے معاملے پر بالی وڈ کے تینوں خانز شاہ رخ خان، سلمان خان اور عامر خان کی خاموشی پر سوالات اٹھنا شروع ہوگئے۔

ان دنوں بھارت میں مسلمانوں سے امتیازی سلوک پر مبنی بل کی منظوری کے باعث ملک کے مختلف حصوں میں شدید احتجاج جاری ہے۔ دہلی کی جامعہ ملیہ کے طلبہ بھی اپنا احتجاج ریکارڈ کروا رہے ہیں مگر گزشتہ دنوں پولیس نے ان پر دھاوا بولتے ہوئے تشدد کیا جس کی ویڈیوز نے سوشل میڈیا پر تہلکہ مچادیا تھا۔

سوشل میڈیا پر زیرگردش ان ویڈیوز میں پولیس کو طلبہ پر وحشیانہ تشدد کرتے ہوئے دیکھا جاسکتا ہے۔ ان ویڈیوز پر جہاں کئی غیرمسلم اداکار اور شخصیات اپنا اپنا ردعمل دے چکے ہیں وہیں بالی وڈ خانز کی خاموشی پر سوالات بھی اٹھ گئے ہیں اور انہیں شدید تنقید کا نشانہ بنایا جارہا ہے۔

ایک ٹوئٹر صارف نے تینوں خانز پر تنقید کرتے ہوئے لکھا 'شاہ رخ خان- آزادی کیلئے لڑنے والے بہادر کا بیٹا، اور جامعہ کا سابق طالبعلم'۔

عامر خان مشہور آزادی پسند شخصیت اور فلسفی مولانا ابولالکلام آزاد کے رشتے دار ہیں تو اس ٹوئٹر صارف نے اسی چیز کو موضوع بناتے ہوئے لکھا کہ 'عامر خان- جن کا تعلق آزادی پسند خاندان سے ہے'۔

اس کے علاوہ اس سوشل میڈیا صارف نے دبنگ خان کو یہ لکھا کہ تنقید کا نشانہ بنایا کہ 'سلمان خان- خود کو انسانیت کا علمبردار کہنے والے'۔

Shah Rukh - @iamsrk - son of a freedom fighter, alumnus of Jamia

Aamir - @aamir_khan - family of freedom fighters, descendant of Maulana Azad

Salman - @BeingSalmanKhan - Being Human

Indians made them stars. But they are mute when their voice is needed. What are u scared about?

— Srivatsa (@srivatsayb) December 16, 2019

یہ تمام چیزیں لکھنے کے بعد اس سوشل میڈیا صارف نے لکھا کہ 'بھارت نے ان کو اسٹار بنایا، لیکن یہ لوگ اس وقت خاموش ہیں جب ان کی آواز کی ضرورت ہے۔ آپ کس سے خوفزدہ ہیں؟

کئی سوشل میڈیا صارفین نے بالخصوص شاہ رخ خان کو آڑے ہاتھوں لیا کیونکہ وہ اس جامعہ کے سابق طالبعلم بھی رہ چکے ہیں۔

Dear @iamsrk you are an old student of Jamia Millia but your silence is disturbing at the moment. Jamia is burning! Why this silence ..... ??#CABProtests#JamiaProtestsCAB

— MaLik Faruk (@MaLikFaruk11) December 16, 2019

Dear @iamsrk you are an old student of Jamia Millia but your silence is disturbing at the moment. Jamia is burning! Why this silence ..... ??#CABProtests#JamiaProtestsCAB

— MaLik Faruk (@MaLikFaruk11) December 16, 2019