بالی وڈ اداکار اکشے کمار کو بھارتی دارالحکومت دہلی کی جامعہ ملیہ اسلامیہ کے طلبہ پر وحشیانہ تشدد کی ویڈیو کو لائک کرنے پر شدید تنقید کا سامنا ہے۔

گزشتہ دنوں ایسی کئی ویڈیوز سوشل میڈیا پر وائرل ہوئیں جن میں بھارتی پولیس کی جانب سے جامعہ ملیہ اسلامیہ کے طلبہ کو تشدد کا نشانہ بناتے ہوئے دیکھا جاسکتا ہے۔

ان ہی زیر گردش ویڈیوز میں سے ایک کو بالی وڈ اداکار اکشے کمار نے لائک کیا تاہم مداحوں اور دیگر سوشل میڈیا صارفین کی جانب سے تنقید اور دوغلا قرار دیئے جانے پر انہوں نے ویڈیو کو واپس اَن لائک کیا اور وضاحتیں بھی دینا شروع ہوگئے۔

انہوں نے وضاحت دیتے ہوئے اپنی ٹویٹ میں لکھا کہ 'جامعہ ملیہ کے طلبہ پر تشدد والی ویڈیو کو غلطی سے لائک کیا تھا'۔

Regarding the ‘like’ on the tweet of Jamia Milia students, it was by mistake. I was scrolling and accidentally it must have been pressed and when I realised I immediately unliked it as In no way do I support such acts.

— Akshay Kumar (@akshaykumar) December 16, 2019

انہوں نے ٹویٹ میں مزید کہا کہ 'میں دوسری ٹویٹس دیکھ رہا تھا اس دوران غلطی سے لائک ہوگیا لیکن جیسے ہی مجھے اس بات کا احساس ہوا تو فوری طور پر اس ٹویٹ کو اَن لائک کیا کیونکہ میں اس طرح کے کسی بھی تشدد کا حامی نہیں ہوں'۔

اکشے کمار کے اس ٹویٹ پر بھی سوشل میڈیا صارفین نے انہیں خوب آڑے ہاتھوں لیا۔ کپل نامی صارف نے لکھا 'غیرملکیوں کا کام ملک میں آگ لگانا ہی ہے'۔

Videshiyon ka toh kaam hai desh mein aag lagana. Shame on this Canadian.

— Kapil (@kapsology) December 16, 2019

دارو باز نامی ٹوئٹر صارف نے لکھا 'شرم کریں اکشے کمار، آپ تشدد کے حامی اور ملک کے طلبہ کیخلاف ہیں۔۔ شرم کریں'۔

Shame on YOU Akshay Kumar!!

You are Promoting Violence
You are Against the Students of our Country

Shame on YOU!

— DaaruBaaz Mehta (@DaaruBaazMehta) December 16, 2019

ایک اور صارف نے لکھا کہ 'نکل اس ملک سے، اس ملک میں آگ لگانا چاہتا ہے نا تو'۔ اس سوشل میڈیا صارف نے اکشے کمار کو فرضی محب وطن بھی قرار دیا۔

Nikal iss desh se..desh mein aag lagana chahta hai na tu.

FARZI DESHBHAKT

— Shah Rukh Khan Devotee (@SRKsDevotee) December 16, 2019

سمی اہوجا نامی ایک سوشل میڈیا صارف نے کنیڈین وزیراعظم جسٹن ٹروڈو کو مینشن کرتے ہوئے اکشے کمار کی کنیڈین شہریت منسوخ کرنے کی درخواست کی۔

BoyCott This Canadian @JustinTrudeau We urge you to cancel his citizenship
He is shame in name of Punjabi community
He is shame for India
he is shame for Indians
He is shame for Bollywood
He is Corrupt Canadian Citizen

— Simmi Ahuja (@SimmiAhuja_) December 16, 2019

اکشے کمار کو بالی وڈ کا کھلاڑی کہا جاتا ہے تاہم ایک صارف نے اکشے کو انٹرنیشنل ڈرپوک کھلاڑی قرار دیا۔

International Darpok Khiladi

— Active Citizen (@ajay_kumar32) December 16, 2019

واضح رہے کہ گزشتہ دنوں بھارت میں ایک قانون منظور ہوا ہے جس میں مسلمانوں کے ساتھ امتیازی سلوک برتا گیا ہے اور اسی وجہ سے جامعہ ملیہ کے طلبہ بھی پُرامن احتجاج ریکارڈ کروا رہے تھے مگر ان پر ٹوٹ پڑی اور طلبہ کو وحشیانہ تشدد کا نشانہ بنایا۔