ملکی مالیاتی نظام میں شفافیت یقینی بنانے اور منی لانڈرنگ سمیت مختلف مالیاتی جرائم کی روک تھام کیلئے ایف اے ٹی ایف کی سفارشات پر عمل درآمد اور ان سے آگاہی کیلئے کراچی کے مقامی ہوٹل میں دوسری فنانشل کرائم کانفرنس منعقد ہوئی۔

ڈیل کانفرنسز اور اے ایف فرگوسن کے اشتراک سے منعقد کانفرنس سے خطاب کرتے ہوئے گورنر اسٹیٹ بینک ڈاکٹر رضا باقر نے کہا کہ مالیاتی نظام کوعالمی معیارات کے مطابق ڈھالنے کیلئے ہرممکن اقدامات اٹھائے جارہے ہیں۔ جس کے جلد مثبت اثرات سامنے آئیں گے۔

کانفرنس میں بینکوں کے اعلی حکام ، منی مارکیٹ، کیپٹل مارکیٹ ، بلین مارکیٹ اور ایکسچینج کمپنیوں کے نمائندوں سمیت ریگولیٹرز نے بھی شرکت کی، اور ایف اے ٹی ایف سفارشات پراب تک کی کاوشوں کو سراہا۔

کانفرنس میں غیرملکی مندوبین نے وڈیولنک کے ذریعے خطاب کیا، جبکہ مختلف اسٹیک ہولڈرز پرمشتمل پینلز میں بحث ومباحثے کے سیشن بھی جاری رہے۔