لاہور کی انسداد دہشت گردی عدالت میں وکلا نے ضمانت کی درخواست میں موقف اختیار کیا کہ وہ پرامن احتجاج کررہے تھے، پولیس نے تشدد کا نشانہ بنایا۔ پولیس نے بے بنیاد الزامات کے تحت مقدمہ درج کرکے گرفتار کیا، عدالت ضمانت پر رہا کرنے کا حکم دے۔

عدالت نے پولیس کونوٹس جاری کرتے ہوئے آج ریکارڈ طلب کر رکھا ہے، دو مختلف مقدمات میں گیارہ ملزمان کی درخواست ضمانت پر آج سماعت ہوگی.

پی آئی سی حملہ کیس میں ملزم طیب رسول، علی رضا، عمر غفار، وقاص علی، فہد سلطان، محمد شہباز اور شہروز شامل ہیں۔ جبکہ پولیس گاڑی کو آگ لگانے کے مقدمہ میں ملزم طیب رسول، علی رضا، اسد سلمان اور رانا مستان شامل ہیں۔