اسکاٹش چائلڈ اداکار اور بیلے ڈانسر جیک برنس محض 14 برس کی عمر میں اچانک انتقال کرگئے، ان کا انتقال اتوار یکم دسمبر کو ہوا تھا تاہم یہ خبر بعد میں منظرعام پر آئی ہے۔

غیرملکی میڈیا رپورٹ کے مطابق جیک برنس نے ٹی وی سیریز 'ون آف یو ایس' اور 'اِن پلین سائٹ' میں یادگار کردار نبھائے۔

وہ 2012 میں 'اِلائٹ اکیڈمی آف ڈانس' کا حصہ بنے جو کلاسیکل بیلے ڈانس کالج ہے اور یہ اسکاٹ لینڈ میں گرینوک کے ہوم ٹاؤن میں واقع ہے۔

چائلڈ اداکار کی موت کی تصدیق 9 دسمبر کو 'اِلائٹ اکیڈمی آف ڈانس' کے فیس بک پیج سے کی گئی۔ تاہم ان کی پُراسرار موت کی کوئی خاص وجہ سامنے نہیں آسکی ہے۔

ڈانس اکیڈمی کی جانب سے پوسٹ میں 14 سالہ جیک برنس کی موت پر شدید غم کا اظہار کیا گیا ہے۔

چائلڈ اداکار کی کچھ یادگار تصاویر ملاحظہ کریں۔