فاسٹ بولر حسن علی آج کل خبروں کی زینت بنے ہوئے ہیں، وہ پاکستان کے سابق مایہ ناز اسپیڈ اسٹار شعیب اختر کے یوٹیوب پروگرام میں غیرملکی خاتون کے سامنے مشکل میں پڑگئے۔

شعیب اختر نے اس غیرملکی خاتون کو حسن علی سے انگلش میں سوال کرنے کا کہا تو اس نے فاسٹ بولر سے ڈانس کے بارے میں سوال کیا۔ حسن نے اس سوال کا جواب تو دے دیا مگر شعیب اختر نے پھر مشکل سوال کرنے کا کہا۔

شعیب اختر کے کہنے پر اس غیرملکی خاتون نے حسن علی سے انگلش میں سوال کیا کہ 'آپ نے اپنے کرکٹ کیریئر کے دوران سب سے دلچسپ چیز کیا سیکھی ہے' تو حسن علی نے ٹوٹی پھوٹی انگریزی میں جواب دیا جسے دیکھ کر خاتون نے اردو میں بولا حسن بھائی اردو میں ہی جواب دے دیں، جس پرحسن ہکا بکا رہ گئے۔

اس دلچسپ انٹرویو کے دوران مزید کیا کیا باتیں ہوئیں؟ پورا انٹرویو ملاحظۃ کریں۔