کراچی میں 24 گھنٹے کے دوران قومی ایئر لائن کا دوسرا طیارہ حادثے سے بال بال بچ گیا۔پرندہ ٹکرانے سے طیارے کو شدید نقصان پہنچا۔

قومی ائیر لائن کی پرواز  پی اے 320 اسلام آبادسےکراچی کےلئےروانہ ہوئی۔

کراچی میں لینڈنگ سےقبل طیارےکےدائیں پرسےپرندہ ٹکراگیاجس سے طیارے کوشدید نقصان پہنچا۔ پائلٹ نے طیارہ باحفاظت زمین پر اتار لیا مگر طیارے کے ٹائر بسٹ ہوگئے۔

 پی آئی اے ترجمان کےمطابق طیارےکو فوری گراونڈکردیاگیا ہے۔سول ایوی ایشن کی غفلت کے باعث کراچی میں طیارے سے پرندہ ٹکرانے کا 24 گھنٹے کےدروان یہ دوسرا واقعہ ہے۔

 ائیر پورٹ کے اطراف گندگی اور کوڑا کرکٹ کے ڈھیر کی وجہ سے پرندے موجود رہتے ہیں جو کسی بھی وقت کسی بڑے حادثے کا باعث بن سکتے ہیں۔