جمہوریہ چیک میں حملہ آور نے  ایک اسپتال میں فائرنگ کرکے چھ افراد کو قتل  اور تین کو زخمی کردیا گیا۔ خبررساں ادارے کے مطابق فائرنگ کا یہ واقعہ اوسٹراوا میں واقع ایک اسپتال میں پیش آیا ہے، جس میں حملہ آور نے اسپتال کے ایک ویٹنگ روم میں  داخل ہوکر بیٹھے ہوئے افراد پر قریب سے گولیوں کی بوچھاڑ کردی جس سے چھ افراد ہلاک اور تین زخمی ہوگئے۔

بعدازاں حملہ آور نے پولیس کے پہنچنے پر خود کو بھی گولی مارکر خودکشی کرلی۔ حملہ آور نے نائن ایم ایم کا  غیر قانونی پستول فائرنگ کیلئے استعمال کیا تھا۔

اسپتال کے حکام نے بھی واقعے کی تفصیلات بتاتے ہوئے کہا کہ حملہ آور نے ویٹنگ روم میں داخل ہوکر قریب سے افراد پر فائرنگ کی اور ابھی بھی حملے میں زخمی ایک شخص کی حالت تشویشناک ہے۔