پاکستان اور سری لنکا کے درمیان دو ٹیسٹ میچوں کے لیے ٹکٹوں کی فروخت کا اعلان کردیا گیا۔ سیریز کے لیے ٹکٹوں کی مالیت پچاس روپے مقرر کی گئی ہے۔

‏پنڈی اسٹیڈیم میں شعیب اختر انکلوژر کے ٹکٹ پچاس روپے میں دستیاب ہوں گے جبکہ نیشنل اسٹیدیم کراچی میں جاوید میانداد، فضل محمود، قائد، وسیم اکرم، عمران خان، اقبال قاسم اور نسیم الغنی انکلوژرز کے ٹکٹوں کی مالیت بھی پچاس روپے مقرر کی گئی ہے۔

راولپنڈی اور کراچی میں شیڈول ٹیسٹ میچز کے لیے ٹکٹوں کی آن لائن فروخت سات دسمبر سے شروع ہوگی۔

‏پہلے ٹیسٹ میچ کے لیے راولپنڈی میں ٹی سی ایس کے مراکز سے بھی ٹکٹیں ہفتے سے ہی دستیاب ہوں گی۔

‏دوسرے ٹیسٹ میچ کیلئے کراچی میں ٹی سی ایس مراکز سے ٹکٹیں نو دسمبر کو فروخت ہوں گی۔

‏روزانہ بڑی تعداد میں کالجز اور اسکولز کو  ٹکٹس دیئے جائیں گے۔ اس بار ایک شناختی کارڈ پر دس ٹکٹس خریدے جاسکیں گے۔