کراچی:ڈیفنس میں دعامنگی کے اغواکے معاملے کی  اے وی سی سی نے اغواکے معاملے کی باقائدہ تحقیقات شروع کردی۔ لڑکی کے اغواکے بعدتاوان کے لیے تاحال کوئی رابطہ یامطالبہ سامنے نہیں آیا، اے وی سی سی کی تین رکنی ٹیم نے افسرکی سربراہی میں جائے وقوعہ کامعائنہ بھی کیا۔

اے وی سی سی حکام  کے مطابق  واقعے کے وقت جائے واردات پرسب سے پہلے پہنچنے والے رکشے ڈرائیورکابیان بھی قلمبندکیاگیاہے۔

اے وی سی سی حکام کے مطابق  پولیس مددگار 15 پربھی رکشہ ڈرائیوروسیم نے اطلاع دی،  اطلاع ملنے کے دس منٹ کے اندرپولیس موبائل موقع پرپہنچی۔

اے وی سی سی حکام کا کہنا ہے کہ  جائےوقوعہ پررکشہ ڈرائیوروسیم،ایک سیکیورٹی گارڈ موجودتھا، متعلقہ ضلع کی تفتیشی ٹیم کے ساتھ اینٹی وائلنٹ کرائم سیل نے بھی تحقیقات کاآغازکردیاہے۔