لندن میں برج پر دہشتگردی کے باعث سابق وزیراعظم نواز شریف کا طبی معائنہ نہیں ہوسکا ہے ۔

لندن برج کے قریب فائرنگ کا واقعہ ہوا ہے، واقعے میں ایک شخص کی ہلاکت کی اطلاعات ہیں جبکہ کئی زخمی ہوگئے ہیں ۔ ابتداء میں نواز شریف برج اسپتال چیک اپ کیلئے روانہ ہوئے لیکن جب دہشتگردی کی اطلاع انہیں ملی تو وہ واپس روانہ ہوگئے ہیں ۔

نواز شریف آجکل لندن میں مقیم ہیں اور ان کے ٹیسٹ اور چیک اپ کا سلسلہ جاری ہے، گزشتہ روز بھی برج اسپتال میں نواز شریف کے چند ٹیسٹ ہوئے تھے جن کی رپورٹس آنی ہیں۔

پہلے سابق وزیراعظم نواز شریف کے بیٹے حسین نواز نے میڈیا سے کہا تھا کہ والد کو امریکا میں علاج کیلئے مشورہ دیا ہے، انہوں نے مزید بتایا کہ ابھی تک والد کی طبیعت میں بہتری نہیں آئی ہے۔