وزیراعظم آفس نے چیئرمین سینیٹ صادق سنجرانی کو ایوان کی کارروائی میں اعلیٰ افسران کی حاضری کے حوالے سے یقین دہانی کروا دی، کم ازکم گریڈ20 تک کے افسران ایوان میں موجود ہونگے۔

 وزیراعظم آفس نے چیئرمین سینیٹ صادق سنجرانی کو ایوان کی کارروائی میں اعلیٰ افسران کی حاضری کے حوالے سے یقین دہانی کروا دی۔

وزیراعظم آفس کا مراسلہ سینیٹ سیکرٹریٹ کو موصول ہوگیا۔ سینیٹ سیکرٹریٹ نے کچھ عرصہ قبل وزیراعظم کو ایوان کی کارروائی میں متعلقہ محکموں کے سینئر افسران کی غیرحاضری کے بارے میں آگاہ کیا تھا۔

جاری مراسلے کے مطابق وزیراعظم آفس نے کابینہ ڈویژن کے ذریعے تمام وزارتوں اور محکموں کو ہدایات جاری کر دیں جس کے مطابق کم ازکم گریڈ20 تک کے افسران ایوان میں موجود ہونگے۔