ملک بھر میں طلبا تنظیم اپنے مطالبات کیلئےآج سڑکوں پرنکل آئے،طلباء تنظیموں کی بحالی سمیت دیگر مطالبات کیے جارہے ہیں۔طلبا یونینز کی بحالی کیلئےاسٹوڈنٹس ایکشن کمیٹی نےاحتجاج کیا ہے اور شہر شہر ریلیاں نکالی جارہی ہیں۔

 اسلام آباد کے طلبا باہر نکلےاور طلبا یونینز سے پابندیاں ہٹانے کا مطالبہ کیا۔

کراچی میں طلبا نے ریگل چوک سے پریس کلب تک مارچ کیا۔حیدرآباد کے طلبا بھی سڑکوں پر آئے۔  شرکا نے طلبا یونینز کی بحالی کا مطالبہ کیا۔

پشاور میں بھی طلبا یونینز سے پابندی ہٹاؤ کے نعرے گونجتے رہے۔کوئٹہ میں طلبہ یونینزکی بحالی کیلئے طلبہ تنظیموں نے ریلی نکالی۔

ملتان میں اسٹوڈنس ایکشن کیمٹی کی جانب سے طلباء یونین پرپابندی اورفیسوں میں اضافے کےخلاف ریلی نکالی گئی۔

مظاہرین نے تعلیمی اداروں میں طلبا پر  سیاست سے پابندی ہٹانے ۔ فیسوں میں کمی اور ہاسٹلز کے قیام سمیت دیگر مطالبات پیش کیے۔

پینتیس سال قبل اُس وقت کے آمر جنرل ضیا الحق نےطلبا یونینز پر پابندی عائد کی تھی ۔