بھارت میں بھی وزیراعظم نریندر مودی جلد فوجی سربراہ اور فور اسٹار چیف آف ڈیفنس اسٹاف کو مقرر کرینگے۔

بھارت میں بھی فوجی کمان کی تبدیلی ہونے جارہی ہے اور بھارتی وزیراعظم نریندر مودی کو نئے فوجی سربراہ کیلئے تین نام بھیج دیئے گئے ہیں ۔

جنرل بپن راوت اکتیس دسمبر کو ریٹائر ہورہے ہیں اور نئے آرمی چیف کے نام کا اعلان جنرل بپن راوت کی ریٹائرمنٹ سے دو ہفتے کیا جانا ضروری ہے۔

وائس چیف لیفٹننٹ جنرل منوج مکنڈ نروانے ، ناردرن آرمی کمانڈر لیفٹننٹ جنرل رنبیر سنگھ ، لیفٹننٹ جنرل ستندر کمار سینی کو چیف آف آرمی اسٹاف کے عہدے کا ممکنہ امیدوار قرار دیا جارہا ہے۔

لیفٹننٹ جنرل نروان ان تینوں جنرلز میں سب سے سینئر ترین ہیں۔ اور بھارتی آرمی چیف بپن راوت کو ریٹائرمنٹ کے بعد چیف آف ڈیفنس اسٹاف کا عہدہ دے دیا جائیگا۔