پاکستان کے معروف اداکار ہمایوں سعید اور پاک فوج کے شعبہ تعلقات عامہ کے سربراہ میجر جنرل آصف غفور کے درمیان ٹوئٹر پر دلچسپ مکالمہ ہوا ہے۔

ہمایوں سعید نے ڈی جی آئی ایس پی آر میجر جنرل آصف غفور کے ساتھ تصویر شیئر کی جس میں دونوں کو گرمجوشی سے گلے لگتے ہوئے دیکھا جاسکتا ہے۔

اس تصویر کو شیئر کرتے ہوئے ہمایوں سعید نے کیپشن درج کی کہ 'میجر جنرل آصف غفور سے مل کر ہمیشہ اچھا محسوس ہوتا ہے۔ وہ نرم مزاج، بے حد عاجز اور پُرجوش شخصیت ہیں اور میڈیا ممبران کی عزت و احترام کرتے ہیں۔

انہوں نے اپنی ٹویٹ میں پاک فوج کے ترجمان کے لئے صحت اور خوشیوں کی دعا کی، ساتھ ہی 'ہمارے پاس تم ہو' کا ہیش ٹیگ بھی استعمال کیا۔

Always a pleasure meeting @peaceforchange. Such a humble and down to earth person full of warmth, love and respect for members of the media. May Allah give him health and happiness @OfficialDGISPR #HumarayPaasTumHo pic.twitter.com/MitPzZttM7

— Humayun Saeed (@iamhumayunsaeed) November 25, 2019

ہمایوں سعید کے اس ٹویٹ پر ڈی جی آئی ایس پی آر نے اپنے ذاتی ٹوئٹر اکاؤنٹ سے جواب دیتے ہوئے ہمایوں سعید کا شکریہ ادا کیا۔

انہوں نے حالیہ دنوں مقبولیت کے تمام ریکارڈز توڑنے والے ہمایوں کے ڈرامے 'میرے پاس تم ہو' کا حوالہ دیا اور لکھا کہ 'میرے پاس تم ہو' سے 'ہمارے پاس (پاک فوج) تم ہو'۔ قوم کی حمایت اور پاک فوج پر اس کا اعتماد ہمارا فخر ہے۔ میں جانتا ہوں کہ یہ جملہ 'آرام سے سوجاؤ ہم ہیں ناں' آپ کے دل کے قریب ہے جو آپ نے میرے ساتھ دیکھا تھا۔

Thanks to you hero
@iamhumayunsaeed
میرے پاس تم ہو سے۔۔
ہمارے پاس(پاک فوج)تم ہو۔۔
Nation’s support & its confidence in Armed Forces is our pride.
I know you are touched by
“آرام سے سو جاؤ، ہم ہیں ناں”
that you watched with me.
Here is short clip,full linkhttps://t.co/rHTf9KXitp https://t.co/ZuoCf2il73 pic.twitter.com/MZm5VP38LB

— Asif Ghafoor (@peaceforchange) November 25, 2019