مالی میں فوجی آپریشن کے دوران فرانس کو بڑا جھٹکا لگا ہے اور افریقی ملک مالی میں فرانس کے دو ہیلی کاپٹر ٹکرانے سے تیرہ فوجی ہلاک ہوگئے ہیں۔

فرانسیسی صدارتی آفس سے جاری بیان میں واقعے کی تصدیق کی گئی ہے اورکہا ہے کہ یہ دونوں ہیلی کاپٹر اس وقت آپس میں ٹکرائے جب مالی میں ایک فوجی آپریشن میں حصہ لے رہے تھے۔

مالی میں فرانسییسی فوجیوں کی ہلاکت کو گزشتہ چار دہائیوں کا سب سے بڑا نقصان قرار دیا جارہا ہے۔ حالیہ واقعے کے بعد مالی میں ہلاک ہونے والے فرانسیسی فوجیوں کی تعداد اکتالیس ہوگئی ہے۔

پہلے بیروت میں ایس سو تیراسی میں ایک حملے میں اٹھاون فرانسیسی فوجی ہلاک ہوگئے تھے ۔

فرانسیسی صدر نے واقعے پر افسوس کا اظہار کیا ہے اور کہا ہے کہ یہ تمام تیرہ فوجی ہمارے ہیرو ہیں اور ان سب کا ایک مقصد صرف  قوم کی حفاظت تھا اور وہ اس حوالے سے ہلاک فرانسیسی فوجیوں کے اہلخانہ کے غم کے سامنے اپنا سر تسلیم خم کرتے ہیں۔

Treize de nos militaires sont morts hier au Mali. Ils étaient engagés dans une opération de combat contre des terroristes. Ces treize héros n’avaient qu’un seul but : nous protéger. Je m’incline devant la douleur de leurs proches et de leurs camarades.

— Emmanuel Macron (@EmmanuelMacron) November 26, 2019