لاہور میں چھ سو پاؤند وزنی شخص کی کامیاب سرجری کردی گئی۔ آپریشن کے بعد انتالیس سالہ شخص کو ڈاکٹرز نے چلنے پھرنے کے قابل بنا دیا۔ موٹاپے کے شکار شخص کو سندھ سے لاہور لایا گیا تھا۔

لاہور میں ڈاکٹرز نے موٹاپے کے شکار چلنے پھرنے سے قاصر شخص کو چلنے پھرنے کے قابل بنا دیا۔

نوابشاہ کے 39 سالہ رہائشی محمد طارق کو ان کے بڑھتے وزن کے باعث سندھ سے ایمبولینس کے ذریعے لاہور لایا گیا تھا۔

نجی ہسپتال میں محمد طارق کی کامیاب سرجری ہوئی۔ جس کے بعد اس نے چہل قدمی بھی شروع کر دی ہے۔

محمد طارق کا کہنا ہے کہ آپریشن سے پہلے وہ جو کچھ سامنے آتا کھا جاتا تھا اور ان کا چلنا پھرنا بھی محال تھا۔

ڈاکٹرز کا کہنا ہے کہ جس وقت محمد طارق کو ہسپتال لایا گیا تھا، ان کی حالت تشویشناک تھی۔ مگر اب وہ خطرے سے باہر ہیں۔ امید ہے کہ کچھ ہی عرصہ میں ان کا وزن 80، 85 کلو تک آ جائے گا۔