اسٹیٹ بینک نے دو ماہ کے لئے زری پالیسی کا اعلان کردیا، مرکزی بینک نے شرح سود تیرہ اعشاریہ دو پانچ فیصد پر برقرار رکھنے کا فیصلہ کیا ہے۔

اسٹیٹ بینک کے اعلامیے کے مطابق مہنگائی بلندی کی طرف مائل ہے، کھانے پینے کی اشیا کی قیمتوں میں اضافے کی وجہ سے مہنگائی بڑھ رہی ہے، تاہم کرنٹ اکاؤنٹ خسارے میں کمی آنا شروع ہوگئی ہے، چار سال بعد کرنٹ اکاؤنٹ فاضل ہوگیا، تجارتی خسارے میں کمی بھی کافی اہم ہے۔

اسٹیٹ بینک کا کہنا ہے کہ رواں مالی سال افراط زر کی شرح گیارہ سے بارہ فیصد تک رہے گی، آئندہ مہینوں میں مہنگائی کی شرح میں کمی کا ا مکان ہے، رواں مالی سال معیشت ساڑھے تین فیصد کی رفتار سے ترقی کرے گی۔