بے گھر غریبوں کیلئے پارکنگ لاٹ میں مفت 3 اسٹار ہوٹل
برسبین: دنیا کے ہر حصے میں جہاں غریب پائے جاتے ہیں وہیں ان غریبوں کی فلاح و بہبود اور انسانیت کا درد رکھنے والے لوگوں کی بھی کوئی کمی نہیں ہے۔ آسٹریلیا کے ایک ادارے 'بیڈ ڈاؤن' نے بے گھر غریبوں کیلئے ایسی سہولیات کا انتظام کیا ہے جسے دیکھ کر آپ واقعی انہیں داد دیئے بناء نہیں رہ سکیں گے۔
اس ادارے کی جانب سے غریب بے گھر و بے سہارا لوگوں کو منفرد طریقے سے رات کے وقت رہائش فراہم کی جاتی ہے، جیسا کہ آپ جانتے ہی ہیں کہ اکثر عمارتوں اور کاروباری مراکز پر ایسے پارکنگ لاٹس بنے ہوتے ہیں جن میں دن کے وقت گاڑیاں موجود ہوتی ہیں اور وہ رات میں خالی ہوتے ہیں۔
بیڈ ڈاؤن نامی یہ ادارہ ان پارکنگ لاٹس کو بے گھر غریبوں کو رہائش کی فراہمی کیلئے استعمال کررہا ہے اور اس ضمن میں ان کی جانب سے برسبین کی ایک عمارت سے باقاعدہ معاہدہ کیا گیا اور دو ہفتوں تک یہ سلسلہ آزمائشی طور پر شروع کیا گیا۔
ادارے نے رات کے وقت پارکنگ لاٹ خالی ہونے پر اس کی صفائی کروائی اور کاروں کو پارک کرنے کی جگہ پر آرام دہ بستر لگادیئے۔ اس کام کی منظم طور پر انجام دہی کیلئے ا بے گھر غریبوں کی پیشگی رجسٹریشن بھی کی گئی۔
یہاں نہ صرف سونے کیلئے آرام دہ بستر بلکہ قیام و طعام، صاف ستھرے کپڑے، نہانے دھونے کا انتظام، ڈاکٹر اور حجام جیسی سہولیات بھی فراہم کی گئی ہیں تاکہ غریب بے گھروں کو پُرسکون نیند نصیب ہوسکے۔
بیڈ ڈاؤن کی جانب سے کئی انسٹاگرام پوسٹس بھی شیئر کی گئی ہیں جس میں انہوں نے اس کاوش کے بندوبست اور اس سے متعلق غریبوں کے خیالات وغیرہ کو شیئر کیا ہے۔
واضح رہے کہ یہ ادارہ اب اپنے اب شہر کے دوسرے علاقوں اور آسٹریلیا کے دیگر شہروں میں بھی اپنے کام کو وسعت دینے کا خواہاں ہے۔
بارش کا پانی محفوظ کرنے کا مؤثر طریقہ ’پانی چوس کنواں‘ کیا ہے؟
مکینکس گاڑی کی مرمت کے وقت آپ کو کیسے دھوکہ دیتے ہیں؟ یہ 4 باتیں جان لیں
’ایک ہفتے کیلئے سورج غائب، امر کرنے والی شعاعیں‘، ٹائم ٹریولر کی رواں سال سے متعلق 5 حیران کن پیشگوئیاں
دنیا کا سب سے متنازع ’پیزا‘ ایجاد کرلیا گیا، کیا آپ اسے ٹرائی کریں گے؟
برطانوی وزیراعظم ہاؤس کی سرکاری بلّی کی موت پر انتظامات کا پلان تیار، قوم کو اطلاع کیلئے کوڈ نام کیا ہوگا
Comments are closed on this story.