وزیراعظم عمران خان سے آرمی چیف جنرل قمر جاوید باجوہ کی ملاقات ہوئی ہے جس میں مقبوضہ جموں و کشمیر کی صورتحال، مغربی بارڈر اور داخلی سلامتی سمیت ملکی سکیورٹی صورتحال پر تبادلہ خیال کیا گیا۔

وزیراعظم آفس سے جاری اعلامیہ کے مطابق وزیراعظم عمران خان سے وزیراعظم ہاوس میں ہونے والی ملاقات میں ملکی سیکیورٹی سمیت مقبوضہ کشمیر کی صورتحال پر تبادلہ خیال کیا گیا ہے۔

اعلامیہ میں کہا گیا کہ ملاقات میں معربی سرحد اور داخلی سیکیورٹی کے مسائل پر بھی بات چیت کی گئی ہے۔

وزیراعظم عمران خان نے سرحدوں کے دفاع کے لئے پاک فوج کی جاری کوششوں کو سراہا۔

وزیراعظم نے معاشی ترقی کے لئے داخلی سیکیورٹی کو مستحکم بنانے پر بھی پاک فوج کی تعریف کی۔