فرانس میں اسٹراس برگ میں زلزلے کے جھٹکے محسوس کیے گئے ہیں۔ ریکٹر اسکیل پر زلزلے کی شدت تین اعشاریہ تین ریکارڈ کی گئی ہے ، گزشتہ روز بھی جنوبی فرانس میں پانچ اعشاریہ پانچ کی شدت کا زلزلہ آیا تھا۔

جنوبی فرانس میں ڈرمی اردچے میں شدید زلزلے کے جھٹکے محسوس کیے گئے ہیں ، زلزلے سے متعلق آگاہی دینے والے فرانسیسی محکمے بی سی ایس ایف کےمطابق زلزلے کی شدت ریکٹر اسکیل پر پانچ اعشاریہ چار ریکارڈ کی گئی تھی اور یہ دوپہر کے روز اردچے میں آیا تھا۔

زلزلے میں چارافراد زخمی ہوئے تھے جن میں سے ایک کی حالت تشویشناک ہے۔

زخمیوں کو طبی امداد کیلئے اسپتال منتقل کردیا گیا ہے ۔