لاہور: سابق وزیراعظم نواز شریف کا نام ای سی ایل سے نہ نکالا جاسکا، ذرائع کے مطابق وزرات داخلہ نیب پر اور نیب وزارت قانون پر معاملہ ڈالنے لگے۔

نواز شریف بیرون ملک اُڑان بھرنے کے لیے تیار ہیں، بس نام ای سی ایل سے نکلنے کا ہے انتظار ہے۔ وزیراعظم کے گرین سگنل کے باوجود حکام شش و پنج کا شکار ہیں۔

شریف فیملی کی جانب سے درخواست ملنے کے بعد وزرات داخلہ نے معاملہ نیب پر ڈالا، جس کے بعد نیب نے آج چھٹی کے روز ہنگامی اجلاس بلا کر قانونی پہلوؤں کا جائزہ لیا۔ نواز شریف کی نئی میڈیکل رپورٹس مانگیں اور گیند وزارت قانون کے کورٹ میں ڈال دی۔

ذرائع کے مطابق نوازشریف کو لندن لیجانے  کے لیے ایئر ایمبولینس دوحا ایئرپورٹ پر تیار ہے، بس نام ای سی ایل سے نکلتے ہی ایئر ایمبولینس قطر سے لاہور پہنچ جائے گی۔