پاکستان کی معروف اداکارہ بشریٰ انصاری کے حوالے سے گزشتہ دنوں سوشل میڈیا پر یہ خبریں چل رہی تھیں کہ انہوں نے ہدایتکار اقبال حسین سے دوسری شادی کرلی ہے تاہم اب اقبال حسین نے ان تمام خبروں کی تردید کرتے ہوئے جھوٹ قرار دے دیا۔

انٹرٹینمنٹ پی کے کے مطابق ہدایتکار اقبال حسین کی جانب سے تو افواہوں کی تردید کردی گئی ہے تاہم اب تک ورسٹائل اداکارہ بشریٰ انصاری نے کسی قسم کا کوئی ردعمل نہیں دیا ہے۔

بشریٰ انصاری پاکستان کی ایک ایسی ایور گرین اور ملٹی ٹیلنٹڈ اداکارہ ہیں جنہیں ہر ایج گروپ کے لوگ پسند کرتے ہیں تاہم گزشتہ روز ان کی دوسری شادی کی خبروں نے مداحوں کو تشویش میں مبتلا کردیا تھا جس کا بالآخر اب ڈراپ سین ہوگیا ہے۔

اقبال حسین گزشتہ کافی عرصے سے انڈسٹری میں موجود ہیں اور انہوں نے کئی مشہور پراجیکٹس میں ہدایات دی ہیں۔ اس وقت وہ بشریٰ انصاری کی جانب سے تحریر کئے گئے ڈراما سیریل 'زیبائش' کی تیاریوں میں مصروف ہیں۔