ایئرپورٹ سیکیورٹی فورس نے لاہور ائیرپورٹ پر کارروائی کرتے ہوئے کروڑوں کی آئس ہیروئن اسمگلنگ کرنے کی کوشش ناکام بنا کر مسافر کو حراست میں لے لیا۔

 لاہور کے علامہ اقبال ایئرپورٹ پر اے ایس ایف حکام نے بیرون ملک ہیروئن اسمگلنگ کی کوشش ناکام بنا دی۔ حکام کے مطابق پی آئی اے کی پرواز پی کے 725 کے ذریعے سفر کرنے والا مسافر 3 کلو سے زائد آئس ہیروئن سعودی عرب لے جا رہا تھا۔

اے ایس ایف حکام کے مطابق برآمد شدہ ہیروئن کی بین الاقوامی منڈی میں مالیت کروڑوں کی ہے۔ اے ایس ایف نے ملزم کو حراست میں لے کر مزید کارروائی کیلئے اینٹی ناکوٹکس حکام کے حوالے کر دیا ہے۔