معروف ایپلی کیشن اسنیپ چیٹ صارفین میں مقبول ترین ایپ سمجھی جاتی ہے، جس کا نیا فلٹر بے حد مقبول ہورہا ہے۔

اسنیپ چیٹ کے صارفین ہر نئے فلٹر کے ساتھ اپنی تصاویر اور ویڈیوز سوشل میڈیا پر اپ لوڈ کرتے ہیں۔

یہ ایپلیکیشن آئے دن نت نئے فلٹرز صارفین کے لیے متعارف کراتی ہے جن میں میک اوور فلٹر، ڈوگ فلٹر اور اس طرح کے متعدد فلٹرز بے حد مقبول ہیں۔

حال ہی میں اسنیپ چیٹ نے ہیلووین کی مناسبت سے متعدد نئے فلٹرز متعارف کرائے ہیں جس میں سے ایک "اسپائڈر فلٹر" سوشل میڈیا پر وائرل ہوگیا۔

She just wanted to chill and eat her post trick or treat candy 😩😂😂 @satchachinita pic.twitter.com/AVdAkBqfz6

— juwan (@TatloJay) November 1, 2019

دلچسپ بات یہ ہے کہ اس فلٹر کا استعمال کرکے والدین اپنے بچوں کو ڈرا رہے ہیں جس کی ویڈیوز سوشل میڈیا پر وائرل ہو رہی ہیں۔

اس فلٹر میں ایک بڑی مکڑی منہ پر رینگتی ہے اور یہ مکڑی بالکل حقیقی مکڑی کی طرح دکھائی دے رہی ہے جس کی وجہ سے بچے خوفزدہ ہو کر چیخیں مار رہے ہیں اور ان کے والدین ویڈیو کو ریکارڈ کر کے اسے سوشل میڈیا پر ڈال کر لطف اندوز ہو رہے ہیں۔

Nah look at the stress on my nephews face 😂😂 pic.twitter.com/mNFox0bJRI

— AmirafromForestGate (@Munyajiri) October 31, 2019

اس فلٹر کے حوالے سے متعدد صارفین نے اسے بچوں کے ساتھ بد سلوکی  قرار دیا اور اس فلٹر کو بچوں پر استعمال کرنے والی ماؤں کو تنقید کا نشانہ بھی بنایا ۔

متعدد صارفین اس فلٹر کو بے حد پسند کر رہے  ہیں اور اس سے لطف اندوز ہورہے ہیں۔

سوشل میڈیا پر اس فلٹر کو ایک چیلنج کے طور پر لیا جارہا ہے اور اس فلٹر کی ویڈیوز کو ایک کروڑ 80 لاکھ سے زائد لوگ دیکھ چکے ہیں۔