پاکستانی ڈرامہ اور فلم انڈسٹری کے معروف اداکار شہریار منور نے اپنی منگنی ٹوٹنے کی تصدیق کردی، انہوں نے رواں برس مارچ میں ہالہ سومرو نامی دوشیزہ سے اچانک منگنی کی تھی۔

ایک حالیہ انٹرویو میں ان سے نجی اور پروفیشنل زندگی سے متعلق کئی سوالات کئے گئے جس میں ان کی منگنی کا سوال بھی پوچھا گیا تو انہوں نے اس بات کی تصدیق کردی کہ ان کی منگنی ختم ہوچکی ہے۔

ویب سائٹ کو دیئے گئے انٹرویو میں میزبان نے ان سے سوال کیا کہ کہ کوئی ایسا جرات مندانہ کام جو آپ نے کیا ہو؟ تو انہوں نے اس سوال کا جواب دیتے ہوئے کہا کہ اپنی زندگی میں کیا گیا ایک ہی جرات مندانہ کام یہ ہے جب میں نے اپنی والدہ سے کہا کہ ایک بار آپ کے کہنے پر منگنی کرلی اور پھر آپ ہی نے یہ منگنی ختم کی لیکن اس بار جس لڑکی سے میں شادی کرنا چاہوں گا اس کا انتخاب میں خود کروں گا۔

ان سے پوچھا گیا کہ آپ کے خیال میں مایا علی اور ماہرہ خان میں سے آپ کی آن اسکرین کیمسٹری کس کے ساتھ زیادہ اچھی ہے تو انہوں نے مزاحیہ انداز میں کہا کہ معاف کردیں مجھے کیوں مجھے نوکری سے نکالنا ہے آپ نے۔ پھر کہا کہ مایا اور ماہرہ دونوں ہی بہت ٹیلنٹڈ ہیں اور دونوں کے ساتھ الگ قسم کی کیمسٹری ہے۔

انٹرویو میں ان سے مزید کیا سوالات پوچھے گئے اور انہوں نے کیا جواب دیئے ذیل میں دی گئی ویڈیو ملاحظہ کریں۔