ترک صدر طیب اردوان نے خبردار کیا ہے کہ کرد جنگجووں کے سیف زون کے علاقے خالی نہ کرنیکی صورت میں ان کو کچل کر رکھ دیا جائےگا۔

ترکی شام میں سیف زون تشکیل دینا چاہتا ہے تاکہ وہاں پر شامی پناہ گزینوں کو بسایا جاسکے اور ترکی کردوں کو دہشتگرد کی حیثیت سے دیکھتا ہے۔

ترک صوے کیسری میں اپنے ایک خطاب میں ترک صدر نے ایک مرتبہ پھر اس آپریشن کو دوبارہ شروع کرنے کا اعلان کیا تھا اور کہا تھا کہ اگر کرد جنگجو جنگ بندی کی شرائط کے تحت متعلقہ علاقے سے نہ نکلے تو وہیں سے آپریشن شروع کیا جائے گا۔

ترک وزارتِ دفاع نے کرد افواج پر چودہ اشتعال انگیز حملے کرنے کا الزام عائد کیا ہے اور کہا ہے کہ یہ حملے  گذشتہ 36 گھنٹوں کے دوران کیے گئے ہیں ۔

دوسری جانب  کرد جنگجووں کی فورس ایس ڈی ایف نے اپنے  بیان میں  ترکی پر جنگ بندی کے معاہدے کی خلاف ورزی کا الزام لگاتے ہوئے کہا ہے کہ انقرہ شہریوں کیلئے محفوظ راہداری بنانے میں ناکامی سے دوچار رہا ہے ۔

ایس ڈی ایف نے  امریکا پر ترکی پر دباؤ ڈالنے کا زور دیا اور کہا کہ کہ وہ عام شہریوں کو منتقل کرنے کی اجازت دے۔