لاہور: پاکستان کرکٹ ٹیم کے وکٹ کیپر بلے باز سرفراز احمد کو ٹیسٹ اور ٹی ٹوئنٹی قیادت سے ہٹائے جانے کے بعد پی سی بی کی ایک ٹویٹ نے تنازع کھڑا کردیا۔ پی سی بی کے آفیشل اکاؤنٹ سے ایک ایسی ٹویٹ سامنے آئی جس کی وجہ سے بورڈ کو شدید تنقید کا سامنا کرنا پڑ رہا ہے۔

بورڈ نے سرفراز کو قیادت سے ہٹا کر ان کی جگہ ٹیسٹ کپتانی اظہر علی اور ٹی ٹوئنٹی کی کپتانی بابر اعظم کو سونپی ہے جبکہ ون ڈے کپتان کا اعلان بعد میں کیا جائے گا۔

پی سی بی کی جانب سے سرفراز احمد کو کپتانی سے ہٹائے جانے کے تھوڑی دیر بعد بورڈ کے آفیشل اکاؤنٹ سے ایک ٹویٹ کی گئی۔ اس ٹویٹ میں جِف ویڈیو موجود تھی جس میں کھلاڑیوں کو جشن مناتے ہوئے دیکھا جاسکتا ہے، ساتھ ہی ویڈیو میں سرفراز احمد بھی موجود ہیں جنہیں ٹریننگ سیشن کے دوران ٹیم کا ایک ممبر باہر جانے کا اشارہ کررہا ہے۔

بورڈ نے شائقین کرکٹ کی جانب سے شدید تنقید کو مدنظر رکھتے ہوئے ٹویٹ ڈیلیٹ کردی اور وضاحت پیش کی کہ آج سے ٹھیک ایک سال بعد ٹی ٹوئنٹی ورلڈکپ کا آغاز ہوگا اور اس کے ٹکٹوں کی فروخت کا عمل بھی آج سے شروع ہوگیا ہے۔ یہی وجہ تھی کہ تمام بورڈز نے ویڈیو جاری کرنے کا فیصلہ کیا تھا۔

اپنی وضاحت میں بورڈ نے مزیز کہا کہ سرفراز احمد کو کپتانی سے ہٹائے جانے اور ویڈیو کو شیئر کرنے کے وقت کا ملاپ ہونے کی وجہ سے غلط تاثر پیدا ہوا۔

اس ٹویٹ پر ایک خاتون صحافی نے طنزیہ کہا کہ پی سی بی نے گزشتہ دنوں سرفراز احمد سے بدتمیزی کرنے والے ایک صحافی کا لائسنس سزا کے طور پر منسوخ کیا تھا اور آج بورڈ کی جانب سے خود ایسے سنجیدہ موقع پر اس طرح کی ویڈیو شیئر کردی گئی۔

@TheRealPCB celebrations right at the very moment when @SarfarazA_54 was being sacked, how ironically this tweet was curated as per the situation by the board itself and PCB recently banned a reporter for calling out Saffy “badduaein dey rahey hai log” indeed a food for thought. https://t.co/rJCuYHOGRe pic.twitter.com/DcpHIdZE3d

— Sawera Pasha (@sawerapasha) October 18, 2019

They’ve deleted it now but was a gif of these pics (Fakhar dancing and Saifi being “sent off” in some training session) https://t.co/q01xs1cVcM pic.twitter.com/0zeg5nJZyB

— Osman Samiuddin (@OsmanSamiuddin) October 18, 2019