نیویارک: سپر ماڈل بیلا حدید کو 'گولڈن ریشو آف بیوٹی' کے لحاظ دنیا کی کی خوبصورت ترین خاتون قرار دے دیا گیا۔

غیرملکی جریدے 'دی سن' کے مطابق 23 سالہ سپر ماڈل بیلا حدید کے چہرے کے خدوخال میں سائنسی طور خوبصورتی جانچنے کے یونانی طریقے کے لحاظ سے 94 فیصد وہ خوبیاں موجود ہیں جس کی وجہ سے دنیا کی خوبصورت ترین خاتون قرار دیا گیا ہے۔

ان کی آنکھیں، بھنوئیں، ناک، ہونٹ، ٹھوڑی، جبڑا اور چہرے کے خدوخال 94 فیصد تک خوبصورتی کے 'گولڈن ریشو آف بیوٹی' پر پورا اترتے ہیں۔

دنیا کی 10 خوبصورت ترین خواتین کی فہرست میں امریکی گلوکارہ بیونسے دوسرے نمبر پر جبکہ اداکارہ امبر ہیرڈ تیسرے نمبر پر موجود ہیں۔

اس کے علاوہ چوتھے نمبر پر اریانا گرینڈ، پانچویں پر ٹیلر سوئفٹ، چھٹے پر ماڈل کیٹ موس، ساتویں پر اسکارلٹ جانسن، آٹھویں پر نٹیلی، نویں پر کیٹی پیری جبکہ دسویں نمبر پر ماڈل کیرا موجود ہیں۔